Post sia neatendata eksigo, kuracisto deĵoris sur paŝvojo ekster la malsanulejo

Ĉi-monate, ĵaŭde la 25-an, kiam la 31-jaraĝa familia kuracisto (ĝenerala klinikisto) Rodrigo Ferreira Gomes alvenis laborejen, tiam li eksciis pri sia neatendita eksigo de la malsanulejo "Hospital Maternidade João Ferreira Gomes", de la urbo Itapaĵeo (subŝtato Searao, Brazilo).

Tamen la kuracisto - kiu asertas, ke la eksigo estis efektivigita sen antaŭa sciigo - decidis, proteste kaj zorge, tuj deĵori sur paŝvojo ekster la malsanulejo, kaj tiamaniere ĉiuj antendintaj pacientoj estis pritraktitaj de li.

"Miaj pacientoj estis atendantaj, mi sciigis ilin, ke mi estis ĵus eksigita, tamen mi diris al ili nepre plu atendi, ke mi ja prizorgos ĉiujn. Mi revenis hejmen kaj el ĝi kunportis tablon kaj seĝon", tion diris Doktoro Rodrigo.