Post kvin monatoj ĉe malsanulejo, 268-grama ĵusnaskito venis hejmen

Pasintsemajne en Tokio (Japanlando) infaneto finis 5-monatan restadon en malsanulejo, post naskiĝi pezinta nur 268 gramojn. Laŭ la kuracistoj temas pri la plej malgranda knabo sane postvivanta kadre de antaŭfrua nasko.

La knabeto naskiĝis je la 8-a monato pasintjare, post nur 24 semajnoj da gravedeco de la patrino, kadre de urĝa cezara operacio, kaj restis traktata ĉe intensa stacio ĝis pasintsemajne, kiam li jam estis pezinta 3,2 kilogramojn kaj kapablanta je ordinara nutrado.

En Japanlando, laŭ la Universitata Malsanulejo Keio, infanetoj pezintaj malpli ol unu kilogramo je naskiĝo havas elcentaĵon da 90% pri postvivado, kontraŭ 50% pri tiuj pezintaj malpli ol 300 gramojn.

Kurioze estas, ke rilate al postvivado la elcentaĵo de infanetoj inaj estas pli altaj ol tiu de la viroj, kaj la kuracistoj ne sufiĉe certas pri la kialo. Kelkaj kredas, ke la afero koncernas la pulmojn, kies evoluado fariĝas malrapide ĉe infanetoj virseksaj.