Jen aparato por averti kunulon pri via emo al seksumado

"LoveSync" estas aparato por faciligi la proponon de seksumado al kunulo/kunulino. Laŭ ties fabrikanto ĝi kontribuos al plialtigo de la seksaktiveco, ĉar ĝi evitas embarasajn alparolojn kaj rifuzojn. La modelo havas du butonojn, po unu persone. Kiu premas sian butonon, tiu atendas dum difinita tempodaŭro, ke la alia homo ankaŭ premu sian butonon.

Tuŝi la butonon unufoje indikas al kunulo, ke vi emas seksumi dum la venontaj 15 minutoj. Tuŝi ĝin dufoje koncernas ĝis du horoj da atendado, por ke la alia homo reagu. Kaj tiel plu. Kvin tuŝoj signifas la vian emon je ajna horo de la tago. Por nuligi la aferon, sufiĉas premi la butonon dum kelkaj sekundoj, kaj tiamaniere la samtempado malaktiviĝos.

Malgraŭ tio, ke la afero ŝajnas tro simpla ideo, la disvolvigantoj de la aparato decidis efektivigi la projekton pro tio, ke enketado fare de ili kun pli ol 130 duopoj el diversaj partoj de la mondo, rezultis, ke duono el ili konsideras utilan ian sistemon, kiu indikus la volon de la kunulo.