Post ŝiriĝo de sportŝuo Nike perdis pli ol USD 1 miliardon da valoro

Dum ludo de korbopilkado okazinta en Usono lastmerkrede (la 20-an) la ludisto Zion Williamson vundiĝis post ties Nike-sportŝuo ŝiriĝi dum ludmovo.

Spike Lee kaj Barack Obama, kiuj estis spektantaj la ludon, havis solidaran sintenon kun la ludisto, kiu tuje lasis la ludon kaj pro tio li riskas eĉ perdi kelkajn ludojn en la venontaj semajnoj. Jen koncerna filmeto: LIGILO

La fabrikanto, tiu firmao Nike, estis tiam kerno de tiom da komentoj en la sociaj retejoj, kaj la merkato vigle reagis asertante, ke la firmao nepre garantiu la bonkvaliton de siaj varoj celante eviti novajn tiajn akcidentojn. La malfavora sekvo tiurilate trafis la ciferojn de la firmao, kiu spertis malvalorigon de siaj akcioj ĉe la Novjorka Borso ĝis 1,7%, tio estas perdo je ĉirkaŭ 1,12 miliardoj da usonaj dolaroj.