La skatolo por deponi forlasotajn infanetojn

Ĉe iu kazerno de fajrobrigadistoj de Indiano (Usono) ekde la lasta monato pasintjare ekzistas "infanetskatolo", kiu estas la sepa tia skatolo instalata en tiu usona subŝtato, celante helpi patrinojn, kiuj rezignas pri siaj ĵus naskitaj infanetoj.

Tiuj aĵoj estas pli kompleksaj ol oni supozas laŭ unuavido - ili ekzemple havas kontrolilojn pri temperaturo kaj sentilojn. Kiam oni metas infaneton tien, tiam ia silenta avertilo atentigas la krizajn servojn, kiuj savas la infaneton je malpli ol kvin minutoj post.

Laŭ Priscilla Pruitt, de la organizaĵo "Safe Haven Baby Boxes", kiu provas disvastigi tiun iniciaton tra la lando, la celo de tiuj skatoloj estas eviti mortojn de forlasitajn infanetojn, post akuŝoj ofte spertataj (tute sole) de junulinoj, kiuj ne kapablas pritrakti la situacion.

Tiaj skatoloj komencis en Usono en 2016, tamen tiu koncepto ekzistas ekde minimume Mezepoko, kaj dum la lastaj 20 jaroj la afero reaperis, tial nuntempe oni trovas ilin ĉe landoj kiel Pakistano, Sud-Korelando, Pollando, Ruslando, Malajzio kaj Svislando.