Kontraŭ la demografia malpliiĝo Putin promesas helpi la familiojn

Hodiaŭ (merkrede, la 20-an) Vladimir Putin, la prezidanto de Ruslando, promesis aron da profitoj al la familioj celante bari la demografian malpliiĝon, kies landa jarraporto tiurilate estis prezentita antaŭ la parlamenta plenkunsido.

Jene resumis la estro de la Moskva Kremlo: "Pli da infanoj, malpli da impostoj". Li insistis pri la bezono pligrandigi la familiojn per koncedo de tributaj profitoj, kiel la malpliigo de la impostoj pri la nemoveblaĵoj.

La ŝtatprezidanto agnoskas, ke la landa loĝantaro malkreskas, kaj la aŭtoritatoj nepre ne restu inerta. "Ni jam estis superanta minusajn demografiajn tendencojn komence de la 2000-aj jaroj. Mi certas, ke ni tute kapablas denove tion fari, tio estas sukcesi je la redono de la natura kreskado de la loĝantaro ekde 2023-2024", li diris.

Krome li asertas: "La nasko de infanoj ne devu esti perceptata de la popolo kiel kaŭzo de malpliiĝo de bonfarto al la familioj".