Matematikaĵo: la rekorda 31,4 mil miliardoj da ciferoj de la nombro Pi

Pi (π) estas neracia matematika konstanto, havanta proksimume la jenan valoron: π = 3,14159... Tiu konstanto priskribas la rilatumon inter la perimetro de cirklo kaj ties diametro. Por indiki Pi oni uzas malgrande la 16-an grekan literon, nome pi (π).

Hieraŭ (la 14-an de la 3-a monato) oni celebris la "Internacian Tagon de Pi" (la elekto de tiu tago estis inpirita de la maniero skribi tiun daton kiel 3/14) kaj tiam la firmao Guglo diskonigis, ke sia laboristino en Japanlando, nome Emma Haruka Iwao, trafis novan rekordon pri kvanto da ciferoj (nun 31,4 mil miliardoj) por la nombro Pi, kiu ĝis tiam estis 22 mil miliardoj da ciferoj.

Por tiu faro ŝi bezonis 121 tagojn, memoron da 170 Tbit (mil miliardoj da bitoj) kaj 25 virtualmaŝinojn de la grandega teĥnikara firmao. Etendigi la sinsekvon de Pi estas tre malfacila afero, ĉar tiu nombro sekvas nenian normon.