Denove unuarange sur la rangolisto de urboj, Vieno elstariĝas tutmonde pri vivkvalito

Dekfoje sinsekve Vieno, la regurbo de Aŭstrolando, estis nomita kiel tia urbo posedanta la plej bonan vivkvaliton en la mondo - lastfoje laŭ esploro aperinta hieraŭ (merkrede, la 13-an), fare de la fakula firmao pri homrimedoj nome Mercer.

La listo estis elpensita por helpi plurlandajn organizojn je difino de salajroniveloj de dungatoj translokiĝantaj al eksterlando - ĝi enlistigas 231 urbojn taksataj surbaze de 39 kriterioj koncernantaj loĝadon, politikstabilecon, krimon, distriĝon, aerpoluon, bazan strukturon, sansistemon, edukadon kaj ekonomion.

Jen kelkaj pozicioj:

1-a) Vieno (Aŭstrolando)

2-a) Zuriko (Svislando)

3-a) Munkeno (Germanlando), Vankuvero (Kanado) kaj Aŭklando (Nov-Zelando)

6-a) Duseldorfo (Germanlando)

7-a) Frankfurto (Germanlando)

8-a) Kopenhago (Danlando)

9-a) Ĝenevo (Svislando)

10-a) Bazelo (Svislando)

26-a) Tokio (Japanlando)

39-a) Parizo (Francolando)

41-a) Londono (Unuiĝinta Reĝlando)

44-a) Nov-Jorko (Usono)

230-a) Bango (Centrafrika Respubliko)

231-a) Bagdado (Irako)