Jen kvin kialoj por dormi nude

Inter tiuj faktoroj kiuj malhelpas la dormon, estas la vestaĵoj, kaj ĉi-jara esploro efektivigita en Unuiĝinta Reĝlando konkludis, ke 60% de la viroj kaj 56% de la virinoj aknoskas, ke dormas tutnude, kaj tio povas plibonigi la kvaliton de la dormado.

La Hispana Asocio de Dormo klarigas, ke la ideala ĉambra temperaturo por homa dormado estas inter 15 kaj 19 celsiaj gradoj - la piĵamoj supoze plialtigus tiun kondiĉon kaj pro tio oni rekomendas sinvarmigon nur per litotukoj kaj litkovriloj. Pli bona regado de temperaturo kondukas al pli profunda dormo.

Tiu elekto ankaŭ, laŭ la retejo "El Confidencial", (por tiuj kiuj dormas kun kompanio, kadre de la haŭtotuŝo) rolas kiel seksa stimulo, pro la hormono oksitocino, nomata kelkfoje kiel la "molekulo de la amo".

Dormi nude ankaŭ bonas por kontrolado de insulinonivelo, ĉar mildaj temperaturoj rekte trafas la hormonojn leptino kaj adiponektino, kiuj koncernas tion.

Pro manko de vestaĵoj oni bruligas la stokatajn grasojn - koncernas plialtigon de metabolo kaj malaltigon de la grasa elcentaĵo.

Fine la afero plibonigas la konsistaspekton de la haŭto. La haŭtisto Michael Kassardjan klarigas, ke dormi sen vestaĵoj helpas la haŭtan spiradon, kaj tio bonas por la aspekto.