Japanino 116-jaraĝa estas agnoskata kiel tia plej aĝa homo tutmonde

Kane Tanaka, japanino naskiĝinta la 2-an de la 1-a monato 1903, matematikŝatanto, konsideranta la "nunon" kiel sia plej bona vivmomento, estis konfirmata kiel la plej aĝa homo de la mondo, laŭ anonco fare de Guinness-libro de rekordoj lastsabate (la 9-an).

Ŝia oficiala proklamo kiel la plejaĝulo de la homaro estis festata ĉe maljunulejo kie ŝi loĝas en la urbo Fukuoka, okcidenta Japanlando, kun partopreno de la urbestro Soichiro Takashima.

En 1922 ŝi edziniĝis al Hideo Tanaka, naskis kvar infanojn, kaj adoptis la kvinan. Ordinare ŝi ellitiĝas je la sesa kaj posttagmeze ŝi studas matematikon kaj praktikas kaligrafion.