Aŭstraliaj esploristoj certas, ke dingo ne estas sovaĝa hundo

La afero "specigi la dingon" estigas viglan debaton kadre de la scienca komunumo. Laŭ Vikipedio "Dingo (Canis lupus dingo) estas tipo de sovaĝa hundo, verŝajne parenca al hinda lupo (Canis lupus pallipes), ankaŭ konatas kiel aŭstralia sovaĝa hundo".

Ĉirkaŭ 20 esploristoj el diversaj aŭstraliaj universitatoj asertas, ke dingo ne estas sovaĝa hundo, sed alia malsama speco, kaj nepras, ke oni specigu ĝin kiel indiĝeno (planto aŭ besto, kiu jam de tre longe loĝas en iu teritorio kaj ne estis enkondukita el alia regiono).

Per artikolo aperinta lastmarde (la 5-an) sur la magazino Zootaxa, tiuj esploristoj diras, ke pro la sovaĝa situacio kaj izoleco de Aŭstralio dum unu jarmilo "malmultaj evidentaĵoj estas", ke tiu sovaĝa besto estas hundo.

Tiu specigado gravas por la konservado tiu besto en Aŭstralio, kie ĝi estas konsiderata kiel minaco al dombestoj kaj bredado, kvankam estas argumentantoj favore al ili pro tio, ke ili supoze utilus je kontrolado de plagoj kiel vulpoj kaj sovaĝaj katoj.