Bill Gates prezentis necesejan seĝon, kies funkciado ne postulas akvon

Hodiaŭ (marde, la 7-an) en Pekino, Ĉinlando, la fondinto de la firmao Mikrosofto, Bill Gates, prezentis ian necesejan seĝon, kies funkciado postulas nek akvon nek kloaksistemon, kaj ĝi igas homan fekaĵon en sterko.

La riĉegulo paroladis kadre de ekzpozicio en tiu urbo, kaj alportante poton da fekaĵo li ŝerce asertis: "Antaŭ jardeke mi tute ne estis imaganta, ke mi tiom konus pri fekaĵoj".

Ekde 2011 entute 200 milionoj da usonaj dolaroj jam estis investitaj de la fondaĵo de Bill kaj Melinda Gates por reinventi la seĝon de necesejo, celante rapide alporti pli bonajn sanfavorajn kondiĉojn al malriĉaj landoj, kaj ĝi promesis, ke pliaj USD 200 milionoj estos elspezataj por finfine trafi la celon.

Laŭ UN 60% de la monda loĝantaro ne havas taŭgajn necesejojn, kiuj tute mankas al 900 milionoj da homoj, kiuj estas devigataj feki ĉe naturmedio.