Usona subŝtato kaj kukisto finigas embleman diskuton de rajtoj

La usona subŝtato Koloradolando, kaj la kristana kukisto Jack Phillips - kiu rifuzis mendon de kuko al samseksema festo - anoncis hieraŭ (marde, la 5-an), ke ili trafis interkonsenton por finigi leĝan batalon, kiu dividis Usonon.

Proksime de la urbo Denvero, kie troviĝas lia vendejo, la kukisto pravigis per sia kristana kredo la rifuzon al mendo fare de Autumn Scardina por baki kukon al samseksema festo.

La afero, kiu vigligis la diskutadon pri religia libereco kaj rajtoj de malplimultoj, alvenis en la Superan Kortumon, kiu je la 6-a monato pasintjare parte manifestiĝis favore al Phillips.

Per komunikaĵo diris Phil Weiser, la ĝenerala publikakuzisto de la subŝtato, ke laŭ la dokumento de la akordo "la Komitato pri Civilaj Rajtoj de Koloradolando finigos la adminstraferojn kontraŭ 'Masterpiece Cakeshop' kaj ties proprulo Jack Phillips, kiu forigos la juĝaferon ĉe federa tribunalo".