Kliento postulas al restoracio, per juĝafero, dumvivan senpagan manĝadon

Curtis Brooner, 50-jaraĝa viro loĝanta en la usona subŝtato Oregono, ekmanĝis senpage en loka restoracio de la plurlanda ĉeno da rapidmanĝejoj nome Burger King pro tio, ke li (je la 15-a pasintmonate) enkaptiĝis dum pli ol horo ĉe necesejo, pro paneo, kaj tiam la tiea restoraciestro promesis al li, kiel rekompenco, dumvivan senpagan manĝadon, kaj ki jesis al tiu propono.

Tamen je la 13-a tago kadre de tiu "dumviva profito" la laboristoj de la restoracio informis al Brooner, ke la regiona estro de Burger King estis ordoninta, ke ili nuligu tiun interkonsenton.

Per juĝafero proponata al la tribunalo de la distrikto Multnomah (Oregono) Curtis Brooner petas, ke la firmao plenumu la promeson farita de ĝia loka restoraciestro, aŭ rajtigu al li manĝi senpage minimume unufoje semajne, dumvive.