Urbo konfiskis kaj vendis hundinon de familio ŝuldinta impostojn

Por kvitigi nepagitan impostan ŝuldon, la germana urbo Ahlen decidis konfiski kaj vendi "Edda"-n, kiu estas la hundino (ĝi estas nigra mopso) de la ŝuldinta familio.

La posedintino de Edda diris al la loka gazeto "Ahlener Tageblatta", ke je la 11-a monato pasintjare ĉe la loĝejo venis du urbaj inspektoroj, kiuj komence konjektis konfiski la rulseĝon de sia edzo, tamen ĝi ne estas propraĵo de la familio, kaj sekve ili elektis la beston.

Sur la retejo eBay iu inspektoro anoncis la hundinon al vendo kontraŭ 750 eŭroj - tio estas ĉirkaŭ duono de la ordinara prezo de tia nigra mopso en Germanlando - kaj la besto estis aĉetita de la policistino Michaela Jordan.

Tamen la nova posedanto de Edda postulas al la urbo repagon da 1,8 mil eŭroj, kiu koncernas elspezojn pri kvar operacioj efektivigitaj en la lasta monato 2018, kadre de malsano en la okuloj de la besto.

La malnova posedanto de Edda asertis, ke ŝi konscias, ke "Edda troviĝas ĉe bonaj manoj", sed ŝi diris ankaŭ, ke siaj tri infanoj sopiras al la hundino".