Ĉinlando limigas komputilludadon al tiuj aĝantaj malpli ol 18 jaroj

La ĉina registaro anoncis la aprobon de regularo por kontraŭbatali, ĉe la plej junaj homoj, la manion trouzi tiajn komputilajn ludojn. 

Laŭ la usona retejo “Business Insider” ĉiuj junuloj kun malpli 18 jaroj estos malpermesataj ludadi de la 22-a ĝis la 8-a horo. Krome, lund-vendrede oni ne rajtos ludi dum pli ol po 90 minutoj.

Tiu nova regularo postulas, pri retaj ludoj, ke la uzantoj aliĝu kun la veraj nomoj kaj validaj identigaj dokumentoj. Estas ankaŭ limo por elspezoj, tio estas, aĉetoj kadre de la ludoj. Junuloj aĝantaj inter 8 kaj 16 jaroj rajtos elspezi maksimume sumon valoranta ĉirkaŭ 25 usonajn dolarojn.

Japanoj promesas surmerkatigi flugantan mortorbiciklon en 2020

La okazinta 2019 Aŭtomobila Ĉambro de Tokio prezentis kelkajn novigojn por la estonteco de la transportoj – ne nur elektrajn aŭtomobilojn kaj paŝrolilojn, ĉar kelkaj firmaoj projektas flugantajn aŭtojn kaj motorbiciklojn, kaj ekzemple estas tiu “Xturismo”, kies tutmonda prezento okazis kadre de tiu evento.

Pro tio, ke la japana registaro estas instiganta la produktadon de malpezaj flugantaj veturiloj, firmaoj estas investantaj en la disvolvado de tiu teĥnikscienco, kaj tion faras “Ali Technologies”, kiu estas faka firmao pri flugrobotoj, kaj ĝi nun malkaŝas sian provtipon.

La firmao klarigas, ke tiu modelo aperos en 2020 eksterlande, kaj ankoraŭ informoj pri prezoj ne estas, tamen jam ĉi-jare oni eblos fari antaŭmendon. Komence la oferto estos limigata, en 2021 komenciĝos grandskala produktado, kaj en 2022 komenciĝos la surmerkatigo en Japanlando.

Jen makakoj, kiuj manĝas ratojn, kiuj infestas la palmolearbojn

Laŭ artikolo aperigita sur la gazeto Current Biology – pri malkovro fare de plurlanda teamo de scientistoj – tiaj porkovostaj makakoj loĝantaj en malajziaj arbaroj profitigas la tieajn kultivistojn de palmoleo pro tio, ke ili invadas la plantejojn por ĉasadi kaj manĝegi la ratojn, kiuj estas la ĉefa plago por la palmolearbo. 

“Malkovrinte la kavojn ĉe la trunkoj de la palmolearboj, kie la ratoj rifuĝas dum la tago, grupo da porkovostaj makakoj povas kapti pli ol 3 mil ratojn jare”, tion asertas la ĉefa aŭtora de la artikolo nome Anna Holzner, de Leipzig-Universitato kaj Instituto Max Planck en Germanlando.

Malgraŭ tio, ke la makakoj ankaŭ manĝas la fruktojn de palmolearboj, tio konsistas nur el 0,56% de la tuta produktado, kontraŭ 10% pri la ratoj, kaj laŭ la aŭtoroj la vizitoj de la makakoj al la plantejoj povas redukti la kvanton de ratoj je pli ol 75%, kiu signifas redukti la perdon de 10% al 3%.

Loterio proponas pentraĵon de Pikaso kiel premio kontraŭ veto da 100 eŭroj

La pentraĵo “Mortinta Naturo”, kiu estas verko de la hispana artisto Pablo Pikaso kaj valoras unu milionon da eŭroj, estas la premio promesita de tutmonda homama loterio aranĝata en Francolando, celante enspezi 20 milionojn da eŭroj por finance helpi la agadon de la NRO Care, kiu antaŭenigas la aliron al trinkakvon en Afriko.

Tiu pentraĵo, kiu estis farita en 1921, estas desegna kunmetaĵo pri eltranĉaĵo de gazeto kaj glaso da absinttrinkaĵo. Ĝi estas ekzemplo de la tempo en kiu Pikaso estis “sintezanta la frakciojn de la movadoj realisma kaj kubisma”, tion klarigas Laurent Le Bon, kiu estas la estro de la Muzeo Pikaso de Parizo, kie la verko estas nuntempe ekspoziciata.

Tiu ne estas la unua fojo, ke tia evento uzas iun verkon de la kubisma majstro kiel ĉefpremio. En 2013 tiuj samaj aranĝantoj enspezis 5 milionojn da eŭroj por rekonstruado de la libana urbo Tiro. Tiam usonano gajnis la pentraĵon.

Kiu interesiĝas provi gajni tiun pikasan verkon kontraŭ 100 eŭroj, tiu aĉetu unu bileton el tiuj 200 mil vendataj sur la retejo “1picasso100euros.com”. La pentraĵo estos posedata de la nova proprulo ekde la 6-an de la 1-a monato 2020.

Sciencistoj malkovris 142 surgrundajn bildojn en Nazca

La Nazk-ebenaĵo, en suda parto de Peruo estis kaj estas fonto de malkovroj por arĥeologoj el la tuta mondo. Tie la dezerto gastigas ĉirkaŭ 300 bildojn de antaŭkolumba epoko, gravuritaj ĉe la sablo. Pro sia grando (de kvarmetroj ĝis centmetroj) la figuroj ne estas rimarkeblaj surtere, sed el supraĵoj.
Nazca-linioj estas grandegaj gratitaj bestofiguroj kaj geometriaj bildoj, kiuj estis malkovritaj en 1927, kaj ili estas Monda heredaĵo protektata de Unesko. La plej konata estas tiu kun aspekto de kolibro.

Sciencistoj de la Jamagata-Universitato (Japanlando) malkovris ĉe la “nazca-linioj” kaj ĉirkaŭaĵo 142 novajn bildojn, kies antikveco situas inter 100 a.K. kaj 300 p.K., kaj alia duoncento da ili estis trovita antaŭ iom pli ol jaro.

La fakuloj aperigis la rezultojn sur la retejo de la universitato. Uzante bonkvalitegajn bildojn kaj homfaritan inteligentecon ili identigis tiujn figurojn, kiuj montras formojn pri kreskaĵoj, bestoj kaj homoj.

Vaŝintono adiaŭas sian amatan pandon Bei Bei

Bei Bei naskiĝis en Vaŝintono, la regurbo de Usono, kaj okaze de sia 4-jariĝo ĝi foriru al Ĉinlando, per 16-hora flugo okazonta marde (la 19-an), en aviadilo de la firmao FedEx aparte ekipata por tiu okazo.

Nuntempe pezante 114 kilogramojn ĝi estas la lasta juna granda pando ĉe la Nacia Bestoĝardeno de Smithsonian (Usono), kie li loĝas kune kun siaj gepatroj Tian Tian kaj Mei Xiang.

Marty Dearie estas inter la prizorgantoj de Bei Bei kaj klarigas, ke ĝia foriro estis planata antaŭ ĝia naskiĝo: “Nia laboro konsistas pretigi ĝin ekde ties naskiĝo por la vojaĝo al Ĉinlando, ĉar tion regulas la prunteprena kontrakto”, kadre de la tiel nomata “panda diplomatio”, per kio la azia lando pruntedonas tiajn bestojn al bestoĝardenoj tra la mondo. Kiam la foraj pandoj 4-jariĝas, tiam ili nepre transloĝiĝu al bestoprotektejoj en Ĉinlando, kie oni parigas ilin.

La fratoj de Bei Bei, nome Tai Shan kaj Bao Bao, jam estas en Ĉinlando, kaj la gepatroj restos en la usona bestoĝardeno minimume ĝis la fino de 2020.

La Nacia Bestoĝardeno aranĝis semajnon plena je eventoj por la adiaŭo al Bei Bei, kiu signifas “grandvaloran trezoron” en la mandarena lingvo.

Kadre de la movado #metoo, malfermiĝis en Londono la Vagino-Muzeo

Dum Rejkjaviko, la regurbo de Islando, gastigas tiun Peniso-Muzeon, Londono malfermis lastsabate (la 16-an) tiun Vagino-Muzeon, kiu estas projekto celante rompi kelkajn tabuojn kadre de la ondo pri “granda soci-ŝanĝo” instigata de la movado #metoo.

En la koro de la distrikto Camden Town, ĉe la nordokcidenta parto de la brita regurbo, tiu elpendaĵo “Vagina Museum” je la fronto de antikva grenejo allogas la atenton de tieaj preterpasantoj. La muzeo estas tutmonde la unua tiaspece – tute koncernanta tiun parton de la ina korpostrukturo.

“Mi malkovris, ke muzeo dediĉata al peniso ekzistas, sed simila spaco pri vagino ne, do mi starigis ĝin”, tion diras la fondinto Florence Schechter, kiu estas konata pro tio, ke ŝi popularigas scienciajn temojn, kaj tiurilate ŝi jam aranĝis tri kelktempajn ekspoziciojn en 2017.

Tiu malgranda, senpaga faka muzeo starigita de Schechter ja ne estas ejo pri kuriozaĵoj, sed precipe didaktika ejo por ĉiuj. La unua kelktempa ekspozicio tie pritraktos “la mitojn ĉirkaŭ la vagino”.

Jen nova surmerkatigo: tiu pri ne tro multekosta elektra aŭtomobilo

Kontraŭ 17.700 eŭroj krom impostoj oni povas per interreto mendi tiun “Uniti One”, kiu estas elektra aŭtomobilo por urba veturado. Tiu aŭto estis desegnita de la sveda ekfirmao “Unit”, tamen ĝia disvolvado okazis en Unuiĝinta Reĝlando fare de plurlanda kunlaboro, kun partopreno de 24 firmaoj inter ili Siemens, NVidia, Haldex kaj eĉ Media Markt.

La veturilo estas 3,2 metroj longa, 600 kilogramoj peza kun tri sidlokoj – je la centra pozicio estas tiu por la stiristo, kaj malantaŭ ĝi estas du por la pasaĝeroj. Kaŝante la malantaŭaj sidlokoj oni plialtigas la kapablon de la pakaĵujo de 155 al 760 litroj.

Kun plena pilaro da 24 kWh, oni povas veturadi ĝis distanco da 300 kilometroj sen reŝargi. La elektra motoro je 67 ĈP (ĉevalpovo) ĉe la malantaŭa akso sufiĉas por 0-100 kilometra akceliĝo je bonaj 9,9 sekundoj.

Jen motorbicikletoj kun eroj de Volkswagen Tipo 1

Volkswagen Tipo 1 estis aŭtomobilo kun 1001 utiloj, kaj jen plia uzeblo. Kreeme oni ekzemple povas el ili origini interesajn motorbicikletojn. Tiurilate Brent Walter, kiu estas mikson de inventisto kun aĵofaranto, konigis sian projekton al la retejo DesignBoom.com kaj montris la fabrikprocedon sur sia retpaĝo en la socia retejo Instagramo.

Nomataj Volkspod, tiuj du etaj motorbicikloj estis faritaj kun aldono de partoj de tiu aŭto Volkswagen Tipo 1: lumoj, antaŭaj kaj postaj, kaj kunigo de kotŝirmiloj. Kun malgranda sidloko kaj motoro 79 cm3, la Volkspod iĝis du-rada veturilo tre interesa.

La veturiletoj estis pentritaj kun tiuj originaj koloroj de VW, nome betula verdo kaj paŝtela bluo. Informoj ankoraŭ ne estas pri la eblo de produktatado de tiu elpensaĵo celante surmerkatigon.

Ĉina fotisto venkis konkurson de la londona muzeo pri natura historio

La Muzeo pri Natura Historio de Londono anoncis la 15-an pasintmonate la venkintoj de la konkurso de fotoj pri naturo nome “Wildlife Photographer of the Year 2019”. Entute en tiu evento aliĝis el 100 landoj pli ol 48 mil konkursaĵoj, kaj 18 el ili estis premiitaj laŭ diversaj kategorioj.

La ĉefa premiito estas la ĉino Yongqing Bao, kiu registris tibetan vulpon dum atako al himalaja marmoto ĉe la natura reservejo de la Montaro Ĉilian Ŝan, en Ĉinlando.

Priskribinte la foton, nomata “La Momento”, la muzeo klarigas, ke la marmoto estis surprizigita de la patrinovulpo, kiu estis posedanta tri idojn por nutri. Marmoto plenumas pli ol ses monatoj da vintra dormo en kavoj reaperante printempe kaj tiam riskas, ke ĉasantaj bestoj montriĝas al ĝi.